മലയാളി: അമ്മയും മകനും

കവിയുടെ കാല്പാടുകൾ

January 12, 2020

"കവിതതേടി നക്ഷത്രങ്ങളുടേയും നിലാവിന്റേയും വഴിവെളിച്ചത്തിൽ നിളാനദിയുടെ തീരത്തും, ഋതുഭേദങ്ങൾ വികാരവൈവിധ്യം വരുത്തുന്ന പ്രകൃതിയുടെ കളിത്തട്ടുകളിലും ക്ഷേത്രപ്രാന്തങ്ങളിലും അനുസ്യൂതമായി സഞ്ചരിച്ച കവി പിന്നിട്ട കാല്പാടുകളിലേക്കു തിരിഞ്ഞുനോക്കുന്നു. ആത്മാലാപത്തോടെ, ആത്മരോഷത്തോടെ. ചിലപ്പോൾ ആത്മനിന്ദയോടെ പിന്നിട്ട ജീവിതരംഗങ്ങൾ ആവിഷ്കരിക്കുന്നു. യാത്രയ്ക്കിടയിൽ കൈമോശം വന്ന സ്നേഹങ്ങളുടെയും സൗഭാഗ്യങ്ങളുടെയും ഓർമ്മകളുടെ പീഡനത്തേക്കാൾ കവിയുടെ കാല്പാടുകളിൽ ഉയർന്നുനില്ക്കുന്ന കവിത എന്ന സൗന്ദ ര്യദേവതയുടെ ആത്മാവു കണ്ടെത്താൻ എന്തും സഹിച്ചു തീർത്ഥാടനം നടത്തുന്ന ഉപാസകന്റെ തീവ്രതപസ്യ " മലയാളത്തിന്റെ മഹാകഥാകാരൻ എം.ടി. വാസുദേവൻനായർ പി.കുഞ്ഞിരാമൻനായരുടെ 'കവിയുടെ കാല്പാടുകൾ ' എന്ന ആത്മകഥയെക്കുറിച്ചു പറഞ്ഞ വരികളാണിവ. നാളുകളായി എന്നു പറഞ്ഞാൽ പോരാ വർഷങ്ങളായി ഞാൻ ഈ പുസ്തകം തേടി നടക്കുകയായിരുന്നു. ബുക്ക്സ്റ്റാളുകളിലും ഓൺലൈൻ ബുക്ക്സ്റ്റാളുകളിലും ' Out of stock ' ആയിരുന്നു. ഒടുവിൽ ഇരട്ടി മധുരം എന്നു പറഞ്ഞപോലെ 'കവിയുടെ കാല്പാടുകൾ ' മാത്രമല്ല അദ്ദേഹത്തിന്റെ തന്നെ ...

കുട്ടി

June 26, 2012

1 ഒട്ടകത്തെ സൂചിക്കുഴിയിലൂടെ കടത്താമോ ? ചോദ്യം കേട്ട് അച്ഛനമ്പരന്നു . കാക്ക കുളിച്ചാല്‍ കൊക്കാകുമോ ? ചോദ്യം വീണത് അമ്മയുടെ നേര്‍ക്ക്‌ . ഒട്ടകവും സൂചിക്കുഴിയും കൊക്കും കാക്കയും ഈ മൂന്നു വയസ്സുകാരന്‍റെ തലയ്ക്കകത്ത് കൂട് വെച്ചതറിഞ്ഞപ്പോള്‍ അമ്മയ്ക്ക് അത്ഭുതം, ന്‍റെ കുട്ടി വളര്‍ന്ന്വല്ലോ അച്ഛന് അഭിമാനം .. മോന്‍ വളര്‍ന്ന് ആലുപോലെയായല്ലോ. അമ്മയുടെ സംശയം ,അച്ഛന്‍റെ സംശയം സൂചിക്കുഴിയിലൂടെ ഒട്ടകത്തെ കടത്താനാവ്വോ ? ഉറപ്പില്ല , ഒരുപക്ഷെ പറ്റുമായിരിക്കും അല്ലേ ? അച്ഛന്‍ ബാഗെടുത്തു , അമ്മ കുടയെടുത്തു വാ പോകാലോ സ്കൂളിലേക്ക് മോന്‍ പറഞ്ഞു... ഇനി ഞാനെന്തു പഠിക്കണം ? അച്ഛന്‍ പറഞ്ഞു, ശരിയാണ് .. അമ്മ പറഞ്ഞു , ശരിയാണ് .. ഇനി അവനെന്തു പഠിക്കണം എന്തിനു പഠിക്കണം !! 2 ക്ലാസുമുറിയില്‍ ഉറക്കം തൂങ്ങുന്ന അദ്ധ്യാപകനോട് കുട്ടി ചോദിച്ചു ഇത് ന്യൂട്രിനോകളുടെ കാലം ഇതുവരെ പഠിച്ചതെല്ലാം വെറുതെയായല്ലോ മാഷേ? ഉറക്കച്ചടവില്‍ എഴുന്നേറ്റു നിന്ന് മാഷ്‌ പറഞ്ഞു , ആര് ? എന്ത് പഠിച്ചുന്ന്വാ? പ്രകാശവേഗത്തെക്കാള്‍ വേഗത ന്യൂട്രിനോകള്‍ക്കാണെന്നു കാലം പറയുന്നു. കാലന്‍ അങ്ങനെ പലതും പറയും .. മാഷ്‌ ഉറ...

അമ്മയും മകനും

June 30, 2012

മകന്‍ അമ്മയോട് പറഞ്ഞു " അമ്മേ ഞാന്‍ ചോദിക്കാതെ തന്നെ എനിക്കു നീ ജീവന്‍ തന്നു. എനിയ്ക്ക് കിടക്കാന്‍ ആദ്യം നീ നിന്റെ ഗര്‍ഭപാത്രത്തില്‍ ഒരിടം തന്നു. പട്ടിണിക്കിടയിലും എനിക്കു വേണ്ടി നല്ല ഭക്ഷണങ്ങള്‍ കഴിച്ചു. നൂറുകണക്കിന് എല്ലുകള്‍ ഒരുമിച്ചു നുറുങ്ങുന്ന വേദനയ്ക്ക് തുല്യമാണ് പ്രസവ വേദന എന്ന് എവിടെയോ ഞാന്‍ വായിച്ചിട്ടുണ്ട്. പത്തു മാസം നീ ചുമന്നു നടന്ന എനിക്കു വേണ്ടി ആ ഘോരമായ വേദനയും നീ സഹിച്ചു. ഞാന്‍ വിശന്നു കരഞ്ഞപ്പോള്‍ നിന്റെ ദിവ്യമായ മുലപ്പാല്‍ എനിക്കു നല്‍കി. എന്റെ കൊച്ചു കുസൃതികള്‍ പലപ്പോഴും ശാരീരികമായി നിന്നെ വേദനിപ്പിക്കുന്നതായാലും വാത്സല്യത്തോടെ നീ അതെല്ലാം ആസ്വദിച്ചു. എനിക്കു ആദ്യാക്ഷരങ്ങള്‍ പകര്‍ന്നു തന്ന് എന്റെ ഗുരുവായി. എന്റെ ദു:ഖങ്ങളില്‍ എനിക്കൊരു താങ്ങായി നീ എന്നും കൂടെയുണ്ടായിരുന്നു. എന്റെ ജീവിതത്തില്‍ എനിക്കു പറ്റിയ പങ്കാളിയെ നീ കണ്ടെത്തി തന്നു. എന്റെ ഈ കാണുന്ന ഐശ്വര്യങ്ങള്‍ക്കെല്ലാം നീയാണ് കാരണഹേതു. നിനക്ക് ഞാന്‍ എന്താണ് തരേണ്ടത്‌"? അമ്മ മകനോട്‌ പറഞ്ഞു " മകനേ ഇതെല്ലം ഏതൊരു അമ്മയും മക്കള്‍ക്ക്‌ വേണ്ടി സന്തോഷപൂര്‍വ്വം ചെയ്യുന്നതാണ്. നീ വെറുതെ പൊലി...

Search This Blog

മലയാളി